لاہور ۔ اینکر پرسن جمیل فاروقی نے دعویٰ کیا ہے کہ حکومت کی جانب سے تحریک لبیک پاکستان کے سربراہ کے جسد خاکی کو خصوصی پروٹوکول دینے کا فیصلہ کیا گیا ہے۔
اپنے ایک ٹویٹ میں جمیل فاروقی نے دعویٰ کیا کہ ’’ تحریک لبیک پاکستان کے امیر علامہ خادم حسین رضوی (رحمتہ اللہ علیہ) کے جسد خاکی کو خصوصی پروٹوکول دینے کا فیصلہ کیا گیا ہے – تازہ ترین تفصیلات کے مطابق ان کے جسد خاکی کو سرکاری ہیلی کاپٹر کے ذریعے مینار پاکستان لایا جائے گا جہاں ان کی نمازہ جنازہ ادا کی جائے گی۔‘‘
خیال رہے کہ علامہ خادم حسین رضوی کی نماز جنازہ ہفتہ کی صبح 11 بجے مینار پاکستان کے گراؤنڈ میں ادا کی جائے گی۔ ان کا جسد خاکی سکیم موڑ چوک یتیم خانہ میں واقع مسجد سے ملحقہ گھر میں رکھا گیا ہے ، مسجد اور علاقے میں سکیورٹی کے سخت انتظامات کیے گئے ہیں اور پولیس کی بھاری نفری تعینات کی گئی ہے جبکہ دو رویہ سڑک کو بھی ٹریفک کیلئے بند کر دیا گیا ہے ۔
