لیہ( صبح پا کستان ) تھانہ چوک اعظم پولیس کی جرائم پیشہ عناصر کے خلاف کاروائیاں ،مجرمان اشتہاری ،منشیات فروش اور اسلحہ ناجائز کے ملزمان گرفتار،ملزمان کے قبضہ سے 03عددپسٹل 30بور معہ 8راﺅند برآمد ،مجرمان سرگرمیوں میں ملوث عناصر کو کیفر کردار تک پہنچایا جائے گا۔ایس ایچ او چوک اعظم
تفصیلات کے مطابق تھانہ چوک اعظم پولیس نے ایس ایچ او زاہد لغاری کی سربراہی میںجرائم پیشہ عناصر کے خلاف مختلف کاروائیاں کرتے ہوئے 07ملزمان کو گرفتار کر لیا،اے ایس آئی محمد صادق نے پولیس ٹیم کے ہمراہ تین الگ الگ کاروائیاں کرتے ہوئے ملزمان محمد اسماعیل ،علی بہادر ،نذیر احمد کو گرفتار کر لیا ،ملزمان کے قبضہ سے اسلحہ ناجائز پسٹل 03عدد معہ 8راﺅند برآمد ہوئے جبکہ اے ایس آئی سید رسول نے ایک اور کاروائی کرتے ہوئے منشیات فروش محمد عمران کو گرفتار کر کے چرس 110گرام برآمد کی ،اس کے علاوہ اے ایس آئی محمد سلیم نے تین الگ الگ کاروائی عمل میں لاتے ہوئے ملزمان اشتہاری محمد اشرف ،خلیل نواز اور عیسٰی خان کو گرفتار کرکے پابند سلاسل کیا ،ایس ایچ او چوک اعظم زاہد لغاری کا کہنا ہے کہ مجرمانہ سرگرمیوں میں ملوث عناصر کے خلاف بلا تفریق کاروائی عمل میں لا کر کیفر کردار تک پہنچایا جائے گا۔
