لاہور. پاکستان تحریک انصاف نے پنجاب میں انتخابات کے لیے ٹکٹوں کا ریویو مکمل کرلیا۔
پارٹی ذرائع کے مطابق تحریک انصاف نے انتخابی ٹکٹوں کا ریویو مکمل کرلیا ہے، تحریک انصاف کا پنجاب کے براہ راست الیکشن کے 297 حلقوں میں سے 287 پر پارٹی ٹکٹس کا کام مکمل ہو چکا ہے، دس سیٹوں پر اتحادی جماعتوں اورشخصیات کے ساتھ سیٹ ایڈجسٹمنٹ کی جائے گی۔
ذرائع نے بتایا ہے کہ دو سیٹیں مجلس وحدت المسلمین کو دی جائیں گی ، تین پرمختلف شخصیات کےساتھ سیٹ ایڈ جسٹمنٹ ہوگی جبکہ پانچ سیٹوں پر ابھی ٹکٹوں کے حوالےسے حتمی فیصلہ نہیں ہوسکا، تحریک انصاف کو آج سپریم کورٹ کے حتمی فیصلے کا انتظار ہے، پی ٹی آئی سپریم کورٹ کے آج کے فیصلے کے تناظر میں ٹکٹوں کا اجرا کرے گی۔
پی ٹی آئی ذرائع کا مزید کہنا ہے کہ پارٹی نے 287 ٹکٹوں کے اجرا کے لئے پارٹی امیدواروں بارے مشاورت مکمل کرلی ہے ، گزشتہ رات ساوتھ پنجاب اور ویسٹ پنجاب کی ٹکٹوں بارے فیصلے کیے گئے ،سنٹرل پنجاب اور نارتھ پنجاب میں امیدواروں کے انٹرویوز مکمل کیے جاچکے ہیں۔
