بہاولپور (ن) لیگ کی سابق خاتون ایم پی اے کے گھر پرچھاپہ ، چار من چرس برآمد

بہاولپور۔ اینٹی نارکوٹکس فورسز نے بہاولپور میں (ن) لیگ کی سابق ایم پی اے فوزیہ ایوب قریشی کے گھر پرچھاپہ مارکر چار من چرس برآمد کرلی ہے۔

تفصیلات کے مطابق اینٹی نارکوٹکس فورس نے بہاولپور میں مسلم لیگ (ن) کی سابق خاتون رکن اسمبلی فوزیہ ایوب قریشی کے گھر پر چھاپہ مارا ، کارروائی کے دوران گھر سے چار من چرس برآمد ہوئی، جس پر اے این ایف اہلکاروں نے فوزیہ ایوب کے بیٹے طیب ایوب سمیت دو افراد کو گرفتار کرلیا ہے۔

اینٹی نارکوٹکس فورس کے مطابق کارروائی گزشتہ روز ملتان سے گرفتار کیے گئے وین ڈرائیور کی نشاندہی پرکی گئی، گرفتار ملزم نے منشیات سپلائی کرنے کا اعتراف کیا تھا،منشیات گھر میں بنےباڑےمیں دفن کی گئی تھی