اسلا م آباد ۔پاکستان نے کبھی دہشتگردی کیلئے اپنی سرزمین استعمال ہونے نہیں دی.وزیراعظم شاہد خاقان عباسی

اسلا م آباد(مانیٹرنگ ڈیسک)وزیراعظم شاہد خاقان عباسی نے کہا ہے کہ آج مسلم لیگ ن کے قائدمیاں نوازشریف سے ملاقات ہوئی ہے جس میں ان کے بیان کا جائزہ لیا گیا ، نوازشریف نے کہا کہ میرے انٹرویو کو غلط انداز سے پیش کیا گیا ، پاکستان نے کبھی دہشتگردی کیلئے اپنی سرزمین استعمال نہیں ہونے دی ۔

وزیراعظم ہاﺅس میں پریس کانفرنس کرتے ہوئے شاہد خاقان عباسی نے کہا کہ پاکستان نے کبھی دہشتگردی کیلئے اپنی سرزمین استعمال ہونے نہیں دی ہے اور آئندہ بھی غیرریاستی عناصرکواپنی سرزمین کسی کیخلاف استعمال نہیں کرنے دی جائےگی،انہوں نے کہا کہ پاکستان نے ہمیشہ غیرریاستی عناصرکی سرکوبی کی،ہمیں بھارتی پروپیگنڈے کا حصہ نہیں بننا چاہئے ،انہوں نے کہا کہ ایک لمبے انٹرویو سے 3 لائنوں کو اچھالا گیا ،نان سٹیک ایکٹرز کے حوالے سے غلط بات رپورٹ کی گئی ،ان کا کہناتھا کہ میاں صاحب سے متنازع بیان پر بات ہوئی انہوں نے وضاحت کردی۔وزیراعظم شاہد خاقان کا کہناتھا کہ نوازشریف نے بھی کہا ہے کہ ممبئی حملے کے ملزمان پاکستان سے نہیں تھے،ان کا کہناتھاکہ نوازشریف نے کبھی نہیں کہا کہ ممبئی حملے کے ملزمان پاکستان سے تھے ۔