اسلام آ باد( صبح پا کستان) لیئنز ویلفیئر سوسائٹی کے زیر اہتمام ساتویں عشائیہ کا انتظام کیا گیا جس میں پہلی کابینہ کی خدمات کا جائزہ لے کر ان کے اقدامات کو سراہا اور نئی کابینہ منتخب کر کے دستار بندی کروا کے ذمہ داریاں سونپنے کا شرف حاصل ہوا ۔ سبکدوش ہو نے والے صدر شکیل کھرل نے کہا کہ سب سے پہلے میں شکر گزار ہوں اللہ پاک کا جس نے ہمیں لیہ کے لوگوں کی خدمت اور نمائندگی و سر پرستی کا شرف بخشا اور اس کے بعد میں انتہائی شکر گزار ہوں اپنے تمام لیہ کے بھائیوں کا اور اپنی کابینہ کے اراکین کا جنھوں نے ہم پر اعتماد کا اظہار کیا اور پورا سال دلجمعی اور انتہائی محنت کے ساتھ کام کر کے بھر پور کامیابیوں کے ساتھ ان ذمہ داریوں سے سرخرو کروایا ۔ انہوں نے نئے منتخب چیئرمین راول ملک اور صدر عون عباس سمیت نئی منتخب ہونے والی کابینہ کو دل کی گہرائیوں سے مبارک باد پیش کرتے ہو ءے امید ظا ہر کی کہ وہ لینئز سو سائٹی کو ایک مضبوط پلیٹ فارم بنا نے کی بھر پور جدو جہد کریں گے ۔
